UniFi – net, myndavélar og aðgangsstýring í einni lausn
Mynd: Ubiquiti
Í stuttu máli: UniFi frá Ubiquiti sameinar net, þráðlaust net, myndavélaeftirlit og aðgangsstýringu í einum vettvangi með einu appi. Upptökur eru geymdar á staðnum í byggingunni og ekkert áskriftargjald er fyrir hverja myndavél eða hurð. Við notum það á skrifstofum, í vöruhúsum og framleiðslusölum – og með iðnaðarlínunni alla leið inn í stjórnskápinn, með rekstrarnetið aðskilið frá öðru.
Mörg fyrirtæki eru með netið frá einum birgi, myndavélar frá öðrum og aðgangsstýringu frá þeim þriðja. Það þýðir þrjú kerfi, þrjár innskráningar og þrjá samninga – og enginn hefur yfirsýn yfir heildina. UniFi leysir margt af þessu með því að sameina allt á sama vettvangi.
Hvað er UniFi?
UniFi er vörulína frá Ubiquiti sem nær yfir flest það sem bygging þarf af neti og öryggi:
- UniFi Network – eldveggur, netrofar og þráðlausir aðgangspunktar
- UniFi Protect – myndavélar og upptökur
- UniFi Access – kortalesarar, hurðastýring og aðgangsstýring
Öllu er stjórnað frá einni stjórnstöð í byggingunni og hægt er að fylgjast með í sama appi í síma og tölvu – líka þegar þú ert ekki á staðnum.
Net og þráðlaust net
Grunnurinn er stöðugt net með eldvegg, netrofum og þráðlausu neti sem nær yfir skrifstofur, vöruhús, framleiðslusali og útisvæði. Með skiptingu (VLAN) eru skrifstofa, gestir, myndavélar og aðgangsstýring aðskilin í eigin svæði, svo vandamál á einum stað breiðist ekki út. Þú sérð hvaða tæki eru tengd og hversu mikil umferð er, og færð tilkynningu þegar eitthvað dettur út.
Myndavélar með staðbundinni geymslu
Með UniFi Protect eru upptökur geymdar á upptökutæki í byggingunni – ekki í skýjaþjónustu með mánaðargjaldi. Þú hefur fulla stjórn á eigin gögnum og ekkert leyfisgjald er fyrir hverja myndavél. Hægt er að horfa í beinni og fletta í upptökum í appinu og fá tilkynningu um hreyfingu á völdum svæðum.
Aðgangsstýring
UniFi Access stýrir hurðum og hliðum með kortalesurum, aðgangskortum og farsímalykli. Hægt er að læsa og opna hurðir eftir tímaáætlun, aðgangur er veittur og afturkallaður á nokkrum sekúndum og skráin sýnir hver hefur verið hvar. Þar sem myndavélar og aðgangur eru á sama vettvangi er auðvelt að skoða upptöku frá hurðinni þegar eitthvað gerist.
Af hverju við mælum oft með UniFi
- Einn vettvangur og eitt app fyrir net, myndavélar og aðgang
- Lágur rekstrarkostnaður – ekkert leyfisgjald fyrir hverja myndavél eða hurð
- Eigin gögn – upptökur og skrár verða eftir í byggingunni
- Auðvelt að stækka – nýjum aðgangspunktum, myndavélum og hurðum er bætt við sama kerfi
Líka fyrir rekstrarnetið
UniFi hentar vel fyrir fyrirtækjanetið: skrifstofur, vöruhús, verkstæði, framleiðslusali og útisvæði. Rekstrarnetið – þar sem PLC-stýringar, stjórnskjáir og SCADA tala saman – gerir strangari kröfur. Ubiquiti er nú með eigin iðnaðarlínu, UniFi Industrial, með netrofum fyrir DIN-skinnu sem festir eru beint í stjórnskápinn. Þannig er hægt að nota sama vettvang alla leið út í stöðina.
Við veljum samt búnað eftir kröfum hverrar stöðvar – umhverfi, varaleiðum, endingu og því sem stýrikerfið þarf. Óháð búnaði höldum við rekstrarnetinu aðskildu frá fyrirtækjanetinu með eldvegg. Lestu meira um hvers vegna í greininni um aðskilnað rekstrarnets og fyrirtækjanets.
Dæmi: ReWaste
Í nýja byggingu ReWaste hefur Elio afhent net, þráðlaust net, myndavélaeftirlit og aðgangsstýringu í UniFi – ásamt netþjónum, SQL-gagnagrunni og Ignition SCADA, auk raf- og sjálfvirknilausna fyrir stöðina. Allt frá sama birgi, sett upp þannig að það vinni saman.
Svona vinnum við
- Kortlagning – hvað þarf að ná yfir, hver á að hafa aðgang hvar og hvað er fyrir hendi?
- Hönnun – þráðlaus dekkun, staðsetning myndavéla, hurðir og svæði í netinu.
- Uppsetning – festingar, skipting nets, notendur og aðgangsheimildir.
- Skjölun – svo auðvelt sé að reka og stækka lausnina.
- Eftirfylgni – uppfærslur, vöktun og aðstoð þegar á þarf að halda.
Viltu sameina net, myndavélar og aðgangsstýringu í einni lausn? Lestu meira um upplýsingatækni og net eða hafðu samband.
